اخر الأخبار»

تحليل فورى

كتب محرر الموقع
7 يناير 2017 11:03 ص
-
مقال بالعامية : إزاى نواجه القمر الصناعى القطرائيلى ؟

مقال بالعامية : إزاى نواجه القمر الصناعى القطرائيلى ؟

بوست - إسلام كمال 

 *معلش ياجماعة لازم أقول إنى أول واحد حذر من خطورة القمر الصناعى القطرى الجديد على مستقبل الإعلام المصرى .. والعربى كمان .. وحذرت ماسبيرو اللى عرفت إنه بيتعمل له عملية تطوير كبيرة جداااااا نتمناها خير .. هاكشف عن تفاصيلها قريب قبل أى حد إن شاء الله .

**دلوقتى أسامة هيكل جاى يحذر من القمر القطرى على النايل سات .. وطبعا أزمة فساد وإحتكار عيسى حياتو خلت ناس كتير تركز مع القصة دى .. لكن الحكاية مش رياضة بس .. دى كل حاجة

*** فيها إيه لو بقينا مبادرين .. مش نقعد نحذر وخلاص .. ونعيط على اللى هايعملوه فينا خاصة إن شبكة "بيين" الكبيرة مش الرياضة بس هاتبقا صادمة لكل الإعلام العربى مش مصر بس وإحتمال كبير تقضى على إسطورة الإم بى سى .. زى ما قضت على الإيه آر تى .. واللى ممكن يطول عمر المواجهة بس إن البيين مشفرة بفلوس لغاية دلوقتي

*** *فيها إيه بقا لما نعلن الحرب على البيين سبورت كبداية .. ومانتفرجش عليها إلا من المواقع اللى بتهكر عليها .. هى كتير ولو حد عايزها نقولها .. وطبعا المصريين هما أكتر سوق للبيين سبورت وكفاية إننا نعرف إننا بفلوسنا بنمول الإرهاب القطرى اللى بيضربنا وبيقتلنا .. خليك مبادر وواجه المخطط القطرائيلى ضد بلدك .. وإتفرج على البيين سبورت على النت أو من التلفزيون على القنوات التانية اللى هاتذيع بطولة الجابون .. خلونا مبادرين مش نحذر وخلاص ونقعد نعيط بس

************ 

( عفوا للصياغة العامية .. والسبب إنه بوست لى على صفحتى الشخصية بالفيس بوك .. نال الكثير من الإعجاب فأصررت على إطلاعك عليه لأهمية الموضوع)


اصدقاؤك يفضلون